Grazas, axudantes!

Grazas aos axudantes e axudantas deste curso, pola vosa colaboració. Sen ela sería imposible que funcionase a Razoteca.
A seguir así!!
 

Semana do libro e da lectura Concello de Carballo

Esta tarde saíron para a Casa da Cultura as nosas contribucións á exposición da Semana do Libro e da lectura do concello.

A temática deste ano é: Da Ciencia á ficción. 

No cole fixemos un mural relacionado coa temática aproveitando unha nova moi de actualidade: a Mars One ou Misión a Marte que se pretende levar a cabo por unha empresa holandesa. Decidimos unirnos á misión e trasladar o cole de Razo ao planeta vermello. 
Estamos todos! Ata os profes e Moncho.

Ademais, os artistas Anxo e Mario contribuíron cun Robot que realizaron para Entroido.

Podedes visitar a exposición do 11 ao 15 de maio no Pazo da Cultura e buscarnos no mural.
Aquí vos deixamos máis actividades programadas para este mes na biblioteca Rego da Balsa de Carballo.
 

Donación de libros para a biblio

O día do libro, tivemos unha sorpresa: Adrián, de segundo, non só trouxo libros para intercambiar, senón tamén para doar á Razoteca. 
Todos estes nos deixou para que poidades levalos á casa en préstamo.

Están chulísimos, vese que coidas as túas cousas.

Grazas, Adri!!

Día do libro

Este pasado xoves non foi un día calquera. Había que celebrar o día do libro.

Moncho estivo encantado porque recibiu moitas visitas.
Pola mañá, celebrouse o MERCADIÑO DE INTERCAMBIO. 

Os nenos e nenas que trouxeran libros, recibían un tícket da cor correspondente á clasificación dese libro:
- azul se o seu libro era para prelectores
- vermello se era para primeiros lectores
- verde se era para lectores autónomos
- amarelo, para os expertos.
Co seu tícket podían elixir un libro desa mesma categoría.

Mercadillos - Kizoa Movie Maker

Houbo momentos máxicos, como cando un 'doante' e un 'receptor' se encontraban.

Pola tarde, celebrouse o MERCADILLO DE VENTA. Son libros que, por ter un formato pouco atractivo ou por setar un pouco feos e velliños, xa non deben estar na biblitoca porque ninguén os leva en préstamo. Aprendemos que estes libros se chaman EXPURGADOS. Algún quixo levar o selo de expurgo tamén na man.

Os libros puideron mercarse por un donativo simbólico de 0'50 euros.

Foi unha ilusión moi grande para os pequenos levar o seu euriño e poder comprar sós.

Libros que ninguén tocaba das estanterías, cobraban nova vida caendo en novas mans. Algún neno aficionouse a unha determinada colección o ano pasado, e volveu este ano a por máis libros. 

As mestras aprendemos que non se pode subestimar nada, porque o que para nós non ten valor, resulta apetecible para os nenos e nenas.

Agradecemos a vosa comprensión se levaron libros un pouco feos ou non adaptados á súa idade: elixiron eles libremente e, por moito que usaramos as nosas técnicas de persuasión, non houbo quen os baixara do carro. 

Grazas á colaboración de todos, xuntáronse 83 €. En breve poremos unha foto das novas adquisicións que se fan con estes cartos. 

Os axudantes fixeron moi ben o seu traballo

                                                Grazas de novo!!

Acompañamento lector

 

Este venres comezamos unha nova actividade de biblioteca no centro: O ACOMPAÑAMENTO LECTOR. Algúns nenos e nenas da clase de sexto foron buscar, por sorpresa ao alumnado de 6º de infantil: serán os seus padriños de lectura. 
Subiron todos xuntos á Razoteca e, con Moncho como supervisor, os pequenos leron libriños da colección Bubela aos maiores e estes, como premio polo seu esforzo, léronlles o libro que os afillados elixiron. 

Os maiores están aprendendo que ensinar a ler non é nada fácil e axudan aos pequenos a practicar a lectura. Ademais disfrutan moito das ocurrencias dos seus afillados.
Os pequenos están practicando a lectura, aficionándose a ela e coñecendo a distribución e os fondos da Razoteca.

É unha actividade que se realiza en moitos centros e como parece que nos está gustando, seguramente a realicemos o ano que vén durante máis tempo e con máis alumnado.

Gracias padriños polo voso esforzo e pequenos pola vosa boa disposición!

Parabéns para ti!

Para facilitar que nenas, nenos, e maiores, celebren e 

feliciten os aniversarios en galego, impulsouse desde o 

concello de Carballo e a Mesa a gravación dunha canción co

seu correspondente videoclip.

Aquí volo deixamos para que vexades a actuación dalgúns

dos nenos e nenas do noso colexio.

Concurso de adiviñas. De terceiro a sexto.

O mércores pasado foi o turno de terceiro. Houbo moitos participantes.

O gañador foi Dani. Foi moi perseverante, quedou pensando e foi o único acertante das catro adiviñas. Parabéns, Dani! Disfruta do premio.

Os flamantes axudantes dese día.

O xoves, os participantes de CUARTO tiveron moito público.

Houbo varios acertantes das catro adiviñas e, por sorteo, a gañadora foi RAQUEL. Parabéns, campiona!!

O venres, as adiviñas de QUINTO, foron máis complicadas e ademáis CINCO!!
Só houbo unha acertante das cinco, mais todos os participantes se achegaron moito. Parabéns a tod@s! Especialmente a Ílian!!

Os últimos en achegarse á Razoteca para concursar foron os de SEXTO. Despois de axudar na preparación do concurso para todos os demais cursos, tocoulles o turno a eles.

Tamén eles tiveron axudantes, máis pequenas pero moi traballadoras.

E o gañador foi Rubén!! O único acertante de todas as adiviñas.
PARABÉNS, RUBÉN!!!

E NORABOA A TODOS E TODAS POR PARTICIPAR. Fixestes que o concurso fose moi bonito. 

Repetiremos, seguro!!