AVISO: RENOVACIÓN DE LIBROS

Aviso para os usuarios e usuarias:

Como vemos que vos estades atrevendo con libros difíciles e longos, temos unha nova norma de préstamo.

Os libros pódense ter na casa durante unha semana, pero se vedes que non vos dá tempo a rematalos, só tendes que pasar pola RAZOTECA o día que vos toque devolvelo e dicir que o queredes renovar e prolongaremos o préstamo unha semana máis. É mellor se levades o MARCAPÁXINAS convosco, porque así anotaremos nel a nova data de devolución.

Poderedes ter o libro na casa un máximo de dúas renovacións, é dicir, tres semanas.

A ler moito!!

Comeza a andanza das MOCHILAS VIAXEIRAS

Con motivo do día da biblioteca, o venres 24 de outubro, Moncho quixo facer entrega das Mochilas Viaxeiras.
Pedro, Mateo, Álex, Nuria, Eloy, Alberto, Dani e Claudia foron os afortunados que as levaron de primeiros. 
Disfrutádeas moito!!
 

Moncho tamén aproveitou que estábamos todos reunidos para entregar os carnés da biblio, que puidemos usar a partir do martes 4 de novembro.

Próximas actividades: MOCHILAS VIAXEIRAS e APERTURA

Queridos nenos e nenas:
 
Este venres arrancan as MOCHILAS VIAXEIRAS.
A quen lle tocará en cada clase?

Moncho teno todo preparado.

A semana que vén, repartiremos os carnés e, en novembro, todos poderán levar libros en préstamo para a casa nos recreos de martes e venres. 

Feliz lectura a todos!

Cómo atopar o que buscas

Así se organiza a Razoteca.

Hai dúas seccións:

SABER E COÑECER

Cando entras pola porta, Á DEREITA, tes a sección de SABER E COÑECER. Son libros informativos, para coñecer o mundo: a Terra, o Universo, o Corpo Humano, os Inventos, as Ciencias, os Alimentos, a Música, a Arte, os Xogos e Deportes... Hai de todo!
Estes non están colocados por idades, senón por temáticas. Fíxate nos iconos dos libros para saber a qué categoría pertencen e onde buscar. Cada temática ten unha cor e un número:
     0. ENCICLOPEDIAS E DICIONARIOS.
     1. PENSAR E IMAXINAR.
     2. RELIXIÓNS.
     3. VIVIR XUNTOS.
     4. CREACIÓNS PROPIAS FEITAS NO COLE.
     5. O PLANETA E OS SERES VIVOS.
     6. AS COUSAS QUE NOS RODEAN.
     7. CREAR E DIVERTIRSE.
     9. OS PAÍSES, AS XENTES E O PASADO.

LER E DESFRUTAR

Cando entras pola porta Á ESQUERDA, atoparás centos de libros para LER E DISFRUTAR.
Son historias para pasalo bomba e están colocadas por nivel de dificultade. Cada nivel ou idade ten unha cor:

AZUIS: para os PRELECTORES. Teñen pouca letra, moitas ilustracións e moitas sorpresas.
Dentro desta categoría hai varias para ir directamente ao que estás buscando:

• O MUNDO QUE ME RODEA.
• LIBROS PARA VER E LER
• LIBROS PARA QUE ME CONTEN
• LIBROS CON SORPRESA

VERMELLOS (6-8 anos): para os PRIMEIROS LECTORES. Con letras sinxeliñas de ler e non moi longos. Entre eles podes atopar tres seccións moi interesantes:

• FÁBULAS
• CONTOS CLÁSICOS
• PRACTICA A LECTURA

VERDES (8-10 anos): un pouquiño máis complicados para LECTORES AUTÓNOMOS
AMARELOS (de 10 anos adiante) para LECTORES EXPERTOS.
Finalmente, podes atopar unha zona ROSA. Alí atoparás: 

• CÓMIC
• TEATRO
• POESÍA, ADIVIÑAS, TRABALINGUAS...
• e LIBROS EN INGLÉS para todas as idades

Podes coller libros de calquera grupo, non importa a idade que teñas.

O tren de Moncho está na parede para resolver todas as túas dúbidas. Tamén che poden botar unha man os AXUDANTES DA BIBLIOTECA.

Os primeiros visitantes da Razoteca

A semana pasada, os nenos e nenas de tres anos, os pequechiños do cole, fixeron unha visita á Razoteca.
Aínda non está aberta ao público, pero o Bibliotecario Moncho ficho unha excepción e deixounos pasar porque tiñan moitas ganas de coller un libro e sentarse a miralo.

 

 

Como son moi agradecidos, trataron moi ben a Moncho, arregláronlle a roupa e colocáronlle os zapatos e Lara colleuno para que non se sentira só.

Todos elixiron un libro con sorpresa e pasárono así de ben.
Voltade pronto, chicos!